Судењето за случајот „Рекет“ продолжува на 24 април, откако денешното рочиште беше одложено поради состојбата со корона вирусот во затворот Шутка.
Случајот се наоѓа во фаза на дополнение на доказна постапка, а на денешното рочиште требало да се презентираат вештачења на Јавнто обвинителство.
„Денешното рочиште се одложи поради состојбата со коронавирусот во Затворот Шутка и треба да продолжи на 24 април. Во фаза сме на изведување на докази од ЈО – вештачења за кои треба да се потврди дали тие вешти лица имаат лиценци и да се пристапи кон изведување на тие вештачења“, информира адвокатот на Катица Јанева, Дељо Кадиев.
На претходните неколку рочишта се презентираа докази од Катица Јанева – искази на обвинители од Специјалното јавно обвинителство, поради што тие беа затворени за јавност.
МИА
ПОВРЗАНИ ВЕСТИ
Се прават прегледи и се земаат брисеви од притвореници и персонал во Истражниот затвор во Шутка
Притвореник во Шутка починал од срцев удар, но постсмртно се покажал позитивен на корона вирусот
Коронавирусот го одложи судењето за „Рекет“, Јанева побара да седи дома оти била во ризична група