еМагазин
Свет

Светот може да остане без кафе

Поради климатските промени и уништувањето на шумите можно е да исчезнат повеќе од половина видови кафе во светот, меѓу кои и популарните комерцијални кафиња „арабика“ и „робуста“, предупредуваат научниците.

„Актуелните мерки за одржување на дивите видови кафиња не се доволни за да се заштити нивната долгорочна иднина“, се наведува во истражувањето објавено денеска од експертите на британската Кралска ботаничка градина во Лондон.

Арон Дејвис, кој раководеше со истражувањето изјави дека поради климатските промени можат да исчезнат и видовите кафе, кои би можеле да се одгледуваат во иднина.

„Под итно е потребна акција насочена кон одредени тропски земји, пред се во Африка и тоа во шумските области, кои се тешко погодени од климатските промени. Додека температурите растат, а врнежите од дожд се намалуваат, се помалку има адекватни зони за одгледување на кафе“, посочи Дејвис.

Тој додаде дека заклучоците од истражувањето не се важни само за љубителите на кафе.

„Постојат многу држави кои зависат од кафето поради приходите од даноците. Се проценува дека околу 100 милиони луѓе произведуваат кафе на фарми ширум светот“, наведе Дејвис.

МИА

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Градоначалникот на Чернихив објави видео: Гробишта се полни, ги чуваме мртвите во мртовечници и ладилници

Редакција

Личност на годината на Фајненшал тајмс украинскиот претседател Володимир Зеленски

Редакција

Фајзер годинава очекува 15 милијарди долари од продажбата на вакцината против Ковид-19

Редакција

📢 Важно известување

Оваа веб-страница претставува архива (стар сајт) и повеќе не се ажурира.
За најнови информации и содржини, посетете ја нашата нова официјална страница:


👉 Посети ја новата страница