СЗО: Според првичните информации лицата заразени со сојот омикрон обично имаат поблага форма на болеста

Техничката раководителка на Светска здравствена организација (СЗО) за Ковид-19, Марија Ван Керкова изјави дека според првичните информации лицата заразени со сојот омикрон обично имаат поблага форма на болеста.

Но, Керкова додаде дека е прерано да се зборува за тоа.

Ван Керкова наведе дека е потребно време за заразените да поминат низ целиот процес на инфекција и оти можеби ќе поминат неколку недели пред навистина да стане јасно колку луѓе од заразените со сојот омикрон ќе развијат тешка форма на болеста.

Сепак, таа предупреди дека дури и да се работи за полесна форма на болеста, важно е брзо да се делува за да се преземат мерки за контрола на нејзиното ширење.

ПОВРЗАНИ ВЕСТИ

Ризикот од повторно заразување со Ковид-19 со сојот “омикрон“ поголем за три пати

Доктор Лазаров: Новиот сој „омикрон“ носи повеќе од пет пати поголема можност за инфекција и повеќе од двапати поголем ризик од реинфекција

Доктор Беќаровски прогнозира: До 1 јануари новиот сој на Ковид-19, омикрон, ќе се претвори во микронче

МИА