На денешното рочиште за “Рекет“ на кој се прикажуваат снимки од ПИ мерки на МВР, беше прикажана и снимка од третообвинетиот во случајот, Зоран Милески-Кичеец, кој ја призна вината и доби три години затвор, како влегува во македонската Влада.
Според снимката за која немаше објаснување од страна на Обвинителството, Кичеец на 3 јули влегува во Владата од задниот влез, се задржува кратко и излегува.
ПОВРЗАНИ ВЕСТИ
Тајните снимки за „Рекет“ откриваат дека Боки 13 ја посетувал Јанева во нејзиниот дом
Нови снимки од ПИ мерките за „Рекет“: Боки-13 и Кичеец биле снимани во „Воденица“ и „Интермецо“
Обвинението за „Рекет”, го застапува шефицата на Обвинителството за борба против организираниот криминал и корупција, Вилма Рускоска.
Првообвинетиот во “Рекет“, Бојан Јовановски се сомничи дека сторил кривично дело „перење пари и други приноси од казниво дело“, а второобвинетата, поранешната специјална обвинителка, Катица Јанева и Милески за „примање награда за противзаконито влијание“.
Јанева се товари и дека сторила и кривично дело „злоупотреба на службена положба и овластување“.
Фото: МИА