Телото на 55-годишната жена од велешкото село Сојаклари се уште не е пронајдено. Два дена се трагаше по неа низводно по реката Вардар до сливот на реката Бабуна.
Портпаролот на СВР Велес, Ристе Самарџиев вчера за МИА изјави дека потрагата продолжува од денеска изутрина.
Најави дека освен полицијата, пожарникарите од Велес и кајакари, според првичните најави, од денеска истрагата ќе биде засилена и со екипа од Единицата за специјални задачи при МВР, а има најави и за вклучување на екипи од Дирекцијата за заштита и спасување.
-Истрагата продолжува и ќе биде засилена со полициска екипа на Единицата за специјални задачи ЕСЗ, изјави Самарџиев.
Педесет и петгодишната жена на 30 декември во 35 минути по полноќ се фрли од Малото Мовче во реката Вардар во Велес. Во 2 часот по полноќ, 62-годишниот Д.М од Скопје пријавил во СВР Велес дека од домот се оддалечила неговата 55-годишна сестра М.К од велешкото село Сојаклари.
ПОВРЗАНИ ВЕСТИ
Жена се фрлила во Вардар, потрагата во тек
МИА