Вкупните приходи винарската визба Тиквеш АД Кавадарци лани забележаа намалување од 13,7%, односно намалување за 240,7 милиони денари, информираат од компанијата преку Македонската берза.
“Намалувањето на приходите се должи на намалени приходи генерирани од домашниот пазар (за 19,6%) и од странските пазари (за 5,7%).
Бруто добивката бележи намалување од 24%.
Зголемените трошоци за продажба и маркетинг за 6,3 милиони денари и останатите оперативни расходи за 13,3 милиони денари резултираа со оперативна добивка од 84,7 милиони денари или намалување за 61% споредено со 2019 година.
Со одложена отплата на долгорочните кредити, финансиските расходи се намалија за 23,8 милиони денари.
Остварена е нето добивката од редовното работење пред оданочување на износ од 79,4,2 милиони денари или намалување за 57,7%“, информираат од компанијата.
ПОВРЗАНИ ВЕСТИ
(ВИДЕО) Оргинални за Свети Трифун: Вработените во Тиквеш на чело со Свето ја изиграа Jerusalema
Фото: Тиквеш