Трагедија: Три лица починаа, а седум се повредени по експлозија на плинска боца во кумановско Романовце

Три лица починаа, а седум се повредени по експлозија на плинска боца во семејна куќа во кумановско Романовце.

Експлозијата настанала во 10 часот во куќата на Ш.А во село Романовце. Од експлозијата на плинската боца настанал пожар во кој три лица починале на лице место, а шест лица се пренесени во Општа болница Куманово каде им се констатирани тешки телесни повреди.

Поради сериозноста на повредите тие се префрлени во Ургентен центар Скопје.

Известен е јавен обвинител и увидна екипа на СВР Куманово кои се на терен и ќе ги утврдуваат причините за несреќата.

ПОВРЗАНИ ВЕСТИ

Тројца од повредените во трагедијата во Романовце во тешка состојба