Според последните информации добиени од Министерството за надворешни работи на Јапонија, потврдено е присуство на тројца наши државјани на бродот кој е задржан близу Јокохама, Јапонија, информираат од Министерство за надворешни работи.
„Причина за задржување на бродот е присуството на заразени лица од коронавирусот. Досега се потврдени 20 лица кај кои е пронајден овој вирус. Министерството за надворешни работи продолжува со редовното следење на состојбата во врска со ширењето на коронавирусот и мерките што се преземаат за негово сузбивање.
Граѓаните кои се наоѓаат во Јапонија за подетални информации околу развојот на состојбите можат да се обратат во Амбасадата во Токио на дежурниот телефонски број +81 80 4886 0103 или е-маил, [email protected].“, велат од МНР.
ПОВРЗАНИ ВЕСТИ
Кинеските работници покасно ќе се вратат во државата и претходно ќе бидат во карантин
Русија: Ќе требаат од 8 до 10 месеци за нова вакцина против коронавирусот