Тројца нови заболени од Ковид-19 се евидентирани во изминатите 24 часа во тетовскиот Центар за јавно здравје.
-Од трите нови случаи двајца се жители на општина Тетово додека еден позитивен тест има кај жител на општина Желино, информира д-р Зорица Зафировска, специјализант по епидемиологија при Центар за јавно здравје Тетово.
Кризниот штаб при општина Тетово денеска не го одржа вообичаениот понеделнички состанок.
Од полицијата, пак, информираат дека изминатото деноноќие за неносење заштитни маски на 49 луѓе во тетовскиот регион им се издадени прекршочни платни налози, согласно член 6 од соодветната владина Уредба.
ПОВРЗАНИ ВЕСТИ
Во Гевгелија и Дојран има по 3 активни случаи на Ковид-19, во Богданци 2
МИА/Фото: Општина Тетово
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.