Твитер има нов сопственик, Илон Маск го купи за 44 милијарди долари

Сопственикот на Тесла моторс и Спејсекс и моментално најбогатиот човек во светот, Илон Маск ја купи социјалната мрежа Твитер за 44 милијарди долари.

Информацијата преку соопштение ја потврдија од Твитер, од каде информираа дека неговата понуда е прифатена.

„Твитер потврдува дека постигна дефинитивен договор за купопродажба. Компанијата целосно ќе ја купи ентитет во сопственост на Илон Маск за 54,20 долари по акција. Трансакцијата се проценува на околу 44 милијарди долари. По довршувањето на трансакцијата, Твитер ќе стане приватна компанија“, објави компанијата.

Акционерите на Твитер, во согласност со постигнатиот договор, ќе добијат 52,20 долари за секоја акција на Твитер која ја поседуваат во моментот на договорената трансакција.

Куповната цена е за 38 отсто поголема од берзанската цена на акциите на Твитер на 1 април 2022, последниот ден на тргување со акции пред Маск да објави дека купил удел од околу 9 отсто во Твитер.

Маск е еден од најпопуларните корисници на Твитер, со над 80 милиони следачи.