„Движење за враќање на Македонија на Македонците“ донело решение за бојкот на одредени медиуми чии што гласила, нивни сопственици, уредници и новинари ги прогласија за непријатели на македонсиот народ.
Во нивното соопштение велат дека од телевизиите тоа се „24 Вести“, „Канал 5“, „Канал5+“ „Телма“ и
„1ТВ“. Од интернет порталите Призма БИРН, ПлусИнфо, Слободен Печат, Либертас, Окно. Од весниците „Слободен печат“ и „Независен весник“.
Од таму повикуваат да се избегнува нивното следење, гледање, општо било какво користење, да не им се даваат интервјуа, да не им се испраќаат соопштенија, да се бара од спонзорите да ги повлечат спонзорствата, да се бојкотираат сите други нивни дополнителни дејности.
„Наброените гласила јавно се изјаснуваат за поддржувачи на предавничките „договори“: т.н. преспанскиот, “договорот за добрососедство” со Бугарија, законот за јазици (двојазичност) и се поддржувачи на окупациска Управа предводена од Намесникот Зоран Заев“, се вели во соопштението за оваа одлука.