Унгарската Влада ја исклучува можноста за екстрадиција на поранешниот македонски премиер Никола Груевски во Македонија, изјави денеска унгарскиот министер за правда Ласло Трочани.
– Груевски, откако доби азил во Унгарија, не може да биде испорачан во земја во која e цел на прогон, кажа Трочани во интервју за унгарската телевизија „Ехо“.
Унгарската служба за имиграција и бегалци вчера му одобри политички азил на Груевски, по кого Македонија распиша меѓународна потерница заради издржување на двегодишната затворска казна.
Македонското mинистерство за правда вчера до унгарските власти го достави и барањето за екстрадиција на Никола Груевски од Унгарија.
МИА/Фото: Фејсбук-профил на Груевски
ПОВРЗАНИ ВЕСТИ
Груевски на Фејсбук: Добив азил во Унгарија
Земјите членки на ЕУ за сега без коментар: Хан ќе бара објаснувања од Орбан за азилот на Груевски
Голем пораз или заговор: Владата, ЕУ и САД им должат одговори на граѓаните за азилот на Груевски
Груевски повторно хит во регионалните медиуми: Доби азил во Унгарија, Македонија го бара назад