Уште една наставничка од Кавадарци е позитивна на Ковид-19, за МИА потврди доктор Ристе Јовановски, специјалист епидемиолог при кавадаречкиот Центар за јавно здравје. Заедно со неа во изолација се и 14 ученици. Претходно позитивна беше нејзина колешка од истото училиште, а во изолација отиде таа и нејзините 16 ученици.
Во изминатите 24 часа во Тиквешко има четири новозаболени лица од кои три во Кавадарци и едно во Неготино. Станува збор за три женски и едно машко лице, на возраст од 30 до 61 година. Еден од нив нема симптоми, а остантите имаат. Едно лице имало претходно контакт со позитивно лице на коронавирус, а другите не знаеле каде се заразиле. Сите биле на домашно лекување и со лесна клиничка слика. Се утврдуваат контактите, со цел нивна изолација.
ПОВРЗАНИ ВЕСТИ
МОН: Од Ковид-19 заразени 42 ученици и 65 наставници
МИА/Фото: Општина Кавадарци