Кафулето „Coffeе Lab“ од Штип утре ќе служи бесплатно кафе, односно секое еспресо и макијато е гратис во текот на целиот ден, а вие за возврат оставете колку сакате и можете во кутијата за донации. Целиот профит утре, заедно со парите од кутијата за донации ќе биде дониран на дете кое му се потребни за лечење.
„Пријатели пред точно две години на 7 септември 2016 со Боки Пандев креиравме една кафе лабораторија која имаше јасна визија да помести некои угостителски стереотипи во Штип. Успеавме. Успеавме со добар тим, посветеност, макотрпна работа да го одржиме зборот и да не се откажуваме дури и кога системот, па и средината не потиснуваа.
По тој повод утре ве канам сите на гратис кафе, секое еспресо и макијато е гратис во текот на целиот ден, а вие за возврат оставете колку сакате и можете во кутијата за донации. Воедно сакам да ве известам дека целиот профит остварен во текот на утрешниот ден, заедно со парите од кутијата за донации ќе биде дониран на дете кое му се потребни за лечење (по случаен избор од страната за донации). Повелете, забавувајте се и да помогнеме таму каде што сме потребни сите заедно“, вели еден од сопствениците Љубан Стаменик.
фото: Фејсбук профил на Coffee Lab
ПОВРЗАНИ ВЕСТИ
(Фото) Одлична дневна журка во Coffee Lab во Штип