Забраната и посебниот режим на движење на граѓаните на целата територија на земјава во временски период од 20.00 часот до 5.00 часот наредниот ден, којашто со одлука на Владата почна на 6 април, годинава, завршува утре (20 април).
Јавноста е во исчекување од денешниот состанок на Комисијата за заразни болести и за тоа какви ќе бидат препораките во однос на продолжување на режимот на забрана за движење за време на престојните првомајски и велигденски празници.
Деновиве има намалување на бројките на новозаболени лица од Ковид-19 и благо намалување на бројот на починати. Пред неколку недели Македонија беше под силен бран од новозаболени и драстичен пораст на црниот биланс на починати, што беше и главно образложение за воведување на построг полициски час.
ПОВРЗАНИ ВЕСТИ
Од денес до 20 април полициски час од 20 до 5 часот наутро
Фото: МЗ