По лавината реакции во јавноста за информацијата дека Македонија со години увезува големи количини отпад, градоначалникот на Скопје, Петре Шилегов вели дека не станувало збор за отпад што се депонира, туку за отпад што го користи индустријата. Според него најголем увозник на отпад бил „Макстил“.
„Министерството за животна средина и просторно планирање ја има точната евиденција и на количините и на субјектите и на бројот на дозволите што се издадени, меѓутоа по она што од таму ми е кажано не станува збор за отпад кој се депонира, туку за отпад што се користи во индустриски цели. Податок што е куриозитетен е дека како најголем увозник се јавува „Макстил“, а предмет на увоз отпад е старо железо“, изјави Шилегов.
ПОВРЗАНИ ВЕСТИ
“Македонија извезува виско образовна сила, а увезува отпад“: Твитер реакции
Шилегов: Легално во земјава не е внесен опасен отпад, но треба да се провери