Важноста на патните исправи, возачките дозволи и личните карти продолжува до завршување на вонредната состојба, соопшти вечерва министерот за внатрешни работи, Наќе Чулев во интервју на „Канал 5“ телевизија, информирајќи за првите уредби со законска сила на Владата донесени вечерва.
-Со посебна уредба со законска сила на Владата е суспендирано важењето на законот за јавни собири согласно вонредната состојба, за спречување на заразата од корона вирусот, истакна Чулев.
Со законска сила, информираше министерот, донесено е и продолжување на испитните рокови поврзани со полагање на возачки испити и функционирањето на автошколите.
На странските државјани кои се затекнати во државата, како што истакна Чулев, ќе им се продолжи престојот до завршување на вонредната состојба.
МИА
ПОВРЗАНИ ВЕСТИ
Владата ги замрзна цените на лимонот, портокалите, мандарините, грејпфрутот и клементината
Корона вирусот засега на зелените пазари ги накачи цените на лимоните и кромидот