Приведена жителка на Марена поради насилно одземање на златни обетки од ушите на две деца во Кавадарци. Информацијата за МИА денеска ја потврдија од МВР.
-Вчера во 15.20 часот во Полициска станица Кавадарци, кавадарчанецот С. С (24) пријавил, дека, додека неговите две деца си играле во дворот од куќата, од страна на А. Ш од село Марена, насилно им биле одземени златни обетки од ушите, по што таа го напуштила местото на настанот. По преземени мерки, лицето е лишено од слобода, појаснија од МВР.
За настанот бил известен јавен обвинител од Кавадарци. Од МВР рекоа дека по целосно документирање, ќе биде поднесена соодветна пријава.
МИА/Фото: Општина Кавадарци
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.