Бојан и Марија од Ај Кју по успешната преработка на „Молитва“ ни ја претставуваат нивната нова песна „До тебе“.
Музиката и текстот го напишаа уиграната комбинација Бојан Трајковски и Кристина Арнаудова, а продукцијата и аранжманот се на Роберт Билбилов.
„За одредени песни едноставно знаеш дека има нешто посебно и дека се поклопиле енергиите на сите вклучени во тимот, токму за оваа песна така се чувствувавме,“ изјавија од Ај Кју.
Ај Кју спотот го снимија во Лондон, каде во последно време се поактивни на музички план со настапи и снимања, но најавија дека летово ќе имаат настапи и низ Македонија.
Песната е снимена во JustRBproduction.
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.