Болницата „Плодност“ во Битола ќе биде затворена до 13 април, откако еден од тамошните доктори е заболен со коронавирусот, соопшти на Фејсбук профилот на болницата, директорот д-р Таше Трпчевски.
“Како што веќе знаете, еден од нашите доктори е носител на корона вирусот и за таа цел е ова обраќање до медиумите, за да не се продолжува со шпекулации и ширење невистини.
По увидот на терен на стручните екипи и по сите процедури, болницата има дозвола да продолжи со работа. Ние имаме и втор, резервен тим на доктори и медицински сестри, кои веднаш би можеле да ја заменат првата постава на медицинските лица.
Но сепак, во името на разумот, на одговорноста која ја носиме и пред се поради здравјето на сите нас, нашите вработени, нашите пациенти, одлучивме болницата да биде затворена и воопшто да не работи до 13 април. Дотогаш, сите во самоизолација ќе поминат период од 15 дека, а во болницата ќе биде направено ново дезинфицирање“, соопшти тој.
ПОВРЗАНИ ВЕСТИ
Први случаи во Струмица и Гевгелија: Како изгледа мапата на заболени со коронавирусот по градови
Зошто и како почина најмладиот пациент од коронавирусот во Македонија, кој имаше 31 година
Македонец во Франција: Од дома излегуваме со лист на кој стои причината зошто мораме надвор