Со највисоки почести зачинети со српските традиционални носии беше пречекан денеска во Белград турскиот претседател Реџеп Таип Ердоган, кој престојува во дводневна посета на Србија.
Тој и неговиот домаќин српскиот претседател Александар Вучиќ ги оценија односите меѓу двете земји на историски највисоко ниво.
Ердоган соопшти дека Турција и натаму ќе биде фактор на стабилност на Балканот.
„Ние ја поддржуваме евроатлантската насока на регионот“ изјави Ердоган.
Вучиќ му се заблагодари на Ердоган за пораката дека секое решение што го постигнале Албанците и Србите за косовското прашање ќе биде прифатливо за Турција.
Речиси истовремено со пристигнувањето на турскиот претседател во Белград беше најавен протест на таксистите, кои бараат подобар третман од градските власти, што предизвика главоболки за белграѓани поради блокираниот сообраќај.
Фото/Видео: Sandjak press/Youtube/RTS/Prva