Денеска пред почеток на прес-конференција, Александра Дуковска, која работи како слободен новинар, физички го нападна претседателот на Независниот синдикат на полицијата, Гоце Делчев.
Телевизијата 24 објави видео од инцидентот:
По инцидентот Делчев на Фејсбук напиша:
„Додека во цел свет новинарите се тие кои се напаѓани, во Македонија, агресивнa новинаркa го нападна претседателот на Независниот синдикат на полицијата. Го губи ли некој трпението и со физички напад се обидува да го заплашат независното синдикално постоење“.
Од Здружението на новинарите на Македонија (ЗНМ) и Самостојниот синдикат на новинари на Македонија (ССНМ) порачаа дека треба да има нулта толеранција за секаков вид на насилство:
„По повод денешниот инцидент во рамки на настанот на полициските синдикати, ЗНМ заедно со ССНМ остро го осудуваат секој вид на насилство од која страна и да доаѓа. Повикуваме на смиреност на страстите, јавноста ја замолуваме да се воздржи од коментари и реакции и бараме проблемот да се реши институционално“.
ПОВРЗАНИ ВЕСТИ
(Видео) Новинарка го искара министерот Бектеши оти кажал Македонија
Пред неколку дена Дуковска во Владата на прес-конференција го искара министерот за економија Крешник Бектеши оти кажал Македонија.
Фото/видео: ТВ 24