(Видео+фото) „Падна“ Азовстал, последниот бастион на отпорот против руската армија во Мариупол

Над 260 украински војници беа евакуирани од опколената фабрика за челик „Азовстал“ во пристанишниот град Мариупол, Украина, очигледно предавајќи ја контролата врз градот на руските сили по 82 дена бомбардирање, пренесува Гардијан.

53 seriously wounded #Ukrainian servicemen were evacuated from #Azovstal territory. They were taken to Novoazovsk hospital.

This was announced by Deputy Minister of Defense of Ukraine, Hanna Malyar.#SaveAzov#SaveMariupol pic.twitter.com/306vaNqHI8

— WithUkraine 24/7 (@With__Ukraine) May 16, 2022

Украинската заменик-министерка за одбрана Хана Малијар доцна синоќа изјави дека 53 тешко ранети војници се евакуирани во болница во градот Новоазовск, кој е под руска контрола, а повеќе од 200 други биле пренесени по коридорот до Оленивка.

Таа додаде дека ќе има размена за да можат евакуираните да се вратат дома.

Не е познато колку војници останале во фабриката за челик – се верува дека има околу 600, а претседателот на Украина, Володимир Зеленски, изјави дека „се надева дека ќе ги спасат нивните момци“.

“На Украина ѝ се потребни живи херои. Тоа е нашиот принцип“, истакна тој во видеообраќањето.

Гардијан пишува дека евакуацијата веројатно ќе го означи крајот на најдолгата и најкрвавата битка во украинската војна и ќе биде значителен пораз за Украина.

Фото/видео: Твитер/Mash/WithUkraine24/7/Гардијан/Унсплеш