По подолга музичка пауза, денеска во етерот е пуштен новиот сингл на Кристина Арнаудова, “Засекогаш“.
Музика и текст се на Весна Малинова, а аранжманот и продукцијата на Роберт Билбилов.
Во исто време денеска е пуштен во етер и видео записот за песната, во режија и продукција на Александар Ристовски Принц.
Од пред 10 дена исто така, целиот снимен материјал и сите албуми, на Кристина можат да се најдат, слушаат и стримуваат на сите музички дигитални платформи, а за таа намена, таа потпиша договор со Virginia Records, како нејзини издавачи за дигитални платформи.
Во промотивни цели, исто така е изработена и фотосесија, со фотографот Стефан Соколовски, која можете да ја најдете целосно на нејзиниот Инстаграм профил.
Со оглед на тоа што Фејсбук страницата и е хакирана минатата година и не е во нејзино владение, промотивните активности ги објавува само на Инстаграм профилот, со надеж дека наскоро сепак ќе успее да и биде вратен.
Како и до сега, примарна работа за Кристина, останува нејзиното хуманитарно здружение “Проект Среќа“, каде последниве седум години го посветува најголемиот дел од своето време и енергија.
Фото/видео: Промо/Стефан Соколовски