Македонските преставници, децата од „Дајте музика“, Кристина, Анастасија, Миха и Филип ќе настапат денеска на детскиот избор за песна за Евровизија во Париз, кој ќе се одржи вечерва.
Тие испратија порака до сите фанови од Македонија дека може да гласаат за нив преку официјалната страница на Јуниор Евросонг каде што е дозволено да се гласа за сопствената земја.
На официјалната страница на Јуниор Евросонг може да се гласа за три земји, вклучувајќи ја и сопствената. Интернет гласањето ќе трае денеска до 15:59 часот, односно до пред почетокот на музичкото шоу.
Овие гласови потоа ќе се спојат со гласовите од публиката што ќе гласа преку СМС. Тие се половина од вкупните поени што ќе одлучуваат за победникот. Останатите педесет проценти од гласовите ќе ги даде жирито.
Фото: Инстаграм/Дајте музика