Информации за убиството на семејството Поцеста од Дебар кое ја потресе Македонија осамнаа и во регионалните медиуми, а убиството предизвика интерес и кај италијанските медиуми, каде семејството работело со години.
Од МВР вчера информираа дека за убиството за приведени три лица, меѓу кои и Блерта Поцеста (28), постарата ќерка на убиеното семејство.
Претходно медиумите објавија дека таа заедно со уште две лица, кои и помагале, стои зад убиството на нејзиниот татко Амит (54), нејзината мајка Назмие (53) и нејзината сестра Анила (14).
Блерта по убиството на 26 август се вратила во Италија, а потоа се вратила во Македонија за да присуствува на погребот на нејзината фамилија.
За сега нема информации кој е мотивот за тројното убиство.
Полицијата оружјето со кое е извршено убиство го нашла на бензинска станица во Тетово.
Семејството е убиено на спиење.
Видео: LE NOTIZIE DEL GIORNO