Поранешниот новинар и уредник Борис Џонсон денес и официјално ја презема премиерската фотеља во Владата на Велика Британија од Тереза Меј, откако неговите конзервативци му го доверија лидерското место во партијата.
Џонсон, кој има потекло од Турција е роден на 19 јуни 1964 година.
По дипломирањето на Оксфорд се вработил како советник за менаџмент, но ја напуштил работата по само една недела. Позната е нговата изјава од тој период дека: „не може да гледа во графиконот за пораст на профитот без да падне во несвест“.
Кариерата ја продолжува како новинар, а подоцна и уредник на магазинот „Спектатор“.
Во политичките води влегува како член на Конзервативната партија, бил нивни претставник во парламентот, градоначалник на Лондон од 2008 до 2016 година, кога е именуван за министер за надворешни работи на Велика Британија.
Џонсон, кој важи за контроверзен лик во британската и меѓународната политика доаѓа на премиерската позиција во многу чувствителен период за земјата со оглед на тоа што не се знае епилогот во однос на Брегзит.
Фото/Видео: Mintpressnews/Youtube/ Guardian news/BBC