Српската сообраќајната полиција спречила автобус со македонски регистарски таблички кој бил полн со патници да помине преку мостот кој ги поврзува селата Мрчајевци и Слатина само 20 минути пред надојдената река Западна Морава да го урне мостот, јавуваат српските медиуми.
Трагедијата била избегната благодарејќи на Небојша Богдановиќ, кој ја алармирал полицијата да го запре сообраќајот откако забележал дека столбовите попуштаат. Откако ја алармирал полицијата и лично ги предупредувал возачите.
Сообраќајот на оваа делница одамна бил во прекин, и непознато е зошто македонскиот автобус се движел по тој пат.
Во Србија поради поплавите, прогласена е вонредна состојба во повеќе од 50 градови. Од српското МВР апелираат до граѓаните да ги одложат патувањата додека не се стабилизира ситуацијата.
Ode još jedan most…stari stubovi nisu izdržali.
Slatina -Mrčajevci kod Čačka 😥 pic.twitter.com/ZWWXXaGrqL— Nikola Vujadinović (@vujadino2) June 17, 2023
Видео: Твитер