(Видео) Маскирани членови на Златна зора упадна на изложбата на македонскиот уметник Андреевски во Солун

Маскирани членови на ултрадесничарска грчка партија Златна зора вчера упадна на изложбата на македонскиот уметник Сергеј Андреевски во уметничката галерија Ремецо, во Каламариа, Солун, пренесе националната грчка телевизија ЕРТ.

Тие вербално го малтретирале Андреевски, ги „симнале“ делата на познатиот македонски уметник и му рекле дека нема право да ги презентира тука своите дела, пренесува ЕРТ.

„Имаш право да кажеш дека си Словен и ништо друго“, извикувале тие.

Откако ги симнале делата на уметникот го „запечатиле“ просторот со црвена лента и залепиле налепници со симболот на организацијата, тврдејќи дека Андреевски не треба да биде во овој изложбен простор, пренесува телевизијата.

Самостојната изложба на сликарот Сергеј Андреевски беше отворена на 21 април.

ПОВРЗАНИ ВЕСТИ

За инцидентот со македонскиот уметник Андреевски во Солун, МНР ги алармираше грчките власти, а грчката амбасадорка е повикана на разговор

Фото/видео: ЕРТ