Во време на зеземање страни поради војната во Украина, и кога Србија е под голем притисок да застане на страната на ЕУ во однос на Русија, на белградскиот аеродром “Никола Тесла“ викендов слетаа шест транспортни авиони Y-20 на кинеското воздухопловство.
Кина соопшти дека станува збор за „редовна воена испорака“ на Србија.
Evo i trećeg. pic.twitter.com/fkUsKXaNKi
— Čarli Vafls (@CharlieWafflees) April 10, 2022
Портпаролот на кинеското Министерство за надворешни работи, Жао Лиџијан изјави дека операцијата е дел од годишниот план за соработка на двете земји, дека не е насочена против трета страна и дека „нема никаква врска со моменталната ситуација“.
Американската агенција АП пак објави дека авионите биле наводно со ракетни системи земја-воздух HK-22, наменети за српската армија.
-Експертите сметаат дека испораката на оружје преку територијата на најмалку две земји-членки на НАТО, Турција и Бугарија, е демонстрација на растечкиот глобален досег на Кина, пишува АП.
Очекувано стигна реакција од Косово. Според тамошниот министер за одбрана, Арменд Мехај последното снабдување со оружје на Србија од Кина, а пред тоа и од Русија, претставува закана за мирот и стабилноста во Балканот, но и пошироко.
Фото/видео: Твитер