Министерството за одбрана на САД потврди дека протечените фотографии и видеа од „неидентификувани летечки објекти“, направени во 2019 година, се веродостојни и автентични снимки.
„Фотографиите и видеата на објектите во форма на триаголник како треперат и се движат низ облаците ги снимил персоналот на Морнарицата“, изјави за Си-Ен-Ен гласноговорничката на Пентагон, Сју Гоф.
Истрагата е почната, но повеќе информации нема да бидат дадени од безбедносни причини, како што соопшти Пентагон.
„Последниве години, имаше голем број известувања за неовластени и/или неидентификувани летечки објекти, влегувања во разни военоконтролирани полигони и назначен воздушен простор“, соопшти морнарицата во 2019 година.
Пентагон лани објави три видеа на коишто се гледаат НЛО-а, а американската Морнарица потврди дека видеата се вистински.
МИА/Видео/Фото: Youtube/Today/US Departmant of state