Педесетина лица денеска во Тетово протестираа поради, како што посочуваат, содржината на аудио разговори што се објавуваат на социјалните мрежи. Тие побараа правда од институциите за како што рекоа, „монтирани случаи“ за „Монструм“, „Сопот“, „Алмир“, „Бродец“ и „Диво Насеље“, како и одговорност од ДУИ, пренесува МИА.
Граѓаните кои протестираа се собраа пред Универзитетот во Тетово и заминаа во правец кон Мала Речица, со намера да протестираат пред седиштето на ДУИ, но од полицијата беа запрени на излезот од Тетово, каде се обратија пред присутните, а по 45 минути мирно се разотидоа. Како организатор на протестите се претстави Блерим Амеди, пренесува МИА.
Телевизијата Телма пак пренесува дека дел од организаторите агресивно ја тргнале опремата од медиумите на македонски јазик, и не дозволиле да продолжат со снимање.
ПОВРЗАНИ ВЕСТИ
Османи: Дураки е искусен политичар и носител на институционалната и политичка меморија на ДУИ
Османи: Очигледно во јавноста има одредено чувство за етничка пристрасност за судските одлуки
МИА/Телма/Видео/фото: Телма