„О2 Иницијатива“ на нивната фејсбук-страница објавија видео од загадување на воздухот во центарот на градот и никаква реакција од страна на надлежните.
„Се пали на отворено пред Собрание во импровизирано ќумбе од буре, црниот чад и смрад од горена пластика се шири и никој не рагира.
Постојат ли служби во Собрание на Република Македонија за обезбедување? Постои ли еден пратеник што е на работа во 8.30 ч и не го видел ова? И никој не реагира? Немаат публика или спремен говор колку се загрижени за загадувањето, па не можат да излезат да им објаснат на луѓево дека НЕ СМЕАТ, дека е забрането со закон, дека е штетно пред сè за нив!
И сето ова е на 100 метри од градска болница, Универзитетска клиника по хируршки болести „Св.Наум Охридски“-Скопје, во центар на метрополата што конкурира за Зелена престолнина. На реакцијата дали знаат дека е забрането, одговорот е: Па полиција гледа и ништо.
И затоа ни се случува ова, фрази, семинари, трибини, говори, програми, а на терен и во суштина НИШТО“, велат од „О2 Иницијатива“.
Важно известување
Посети ја новата страница