Борбен авион „Миг 21“ на војската на Србија се урна утрово во областа на селото Брасина кај Мал Зворник, соопшти српското министерство за одбрана.
Авионот бил во рутински прелет. На местото не несреќата се испратени припадници на службата за трагање и спасување.
Според српските медиуми, авионот летал од Долна Борина каде што според сведочењето на локален жител замалку не удрил во неговата куќа. Продолжил кон Брасина, но одеднаш силно се свртел и практично паднал во двор на куќа.
Нема официјални информадции за жртви и повредени, но телевизијата РТС јави дека едниот пилот загинал, по другиот се трага, како и дека е повреден маж во чиј двор паднало леталото.
Фото/Видео: Курир/Youtube/TV Pdrinje/RTS
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.