Српските медиуми објавија дека синоќа при улична престрелка во белградската населба Врачар е ранет Д.Л., 21-годишен државјанин.
M. Gorkog kod Kalenića 19.30. Upucan teenager. Pucač otisao kroz Čuburski prepun dece.
Kuva na sve strane pic.twitter.com/HzTGl64ESc— Dejan Randjic (@DejanRandjic) May 22, 2023
Како што соопшти српската полиција во престрелката најпрвин бил ранет А.П. (26), а потоа со два куршуми во грбот е ранет македонскиот државјанин.
Истрагата треба да утврди дали тој случајно се нашол на местото на пукањето и бил погоден, како што тврдат српските медиуми.
„Ранетиот Д.Л. бил донесен од негов пријател во влез во соседната улица „Новопазарска“. Таму тој го сокрил ранетото момче и повикал полиција и брза помош“, објавија српските медиуми, повикувајќи се на извори во полицијата.
Повредениот А.П. е со криминално досие – има 12 кривични пријави за дрога, оружје и разбојништво, а по него е распишана потерница за издржување затворска казна.
Напаѓачот Н.Ѓ., кој има 20 години е уапсен.