На 83-годишна возраст во својот дом во Цирих, Швајцарија, по долго боледување почина кралицата на рокентролот, Тина Тарнер.
Легендарната пејачка изминативе години имаше здравствени проблеми, ѝ беше дијагностициран рак на цревата во 2016, а имаше и трансплантација на бубрег во 2017 година.
Родена е како Ана Меј Булок во Тенеси, САД, на 26 ноември 1939 година, а ќе ја паметиме по бројните хитови: „Simply The Best“, „Proud Mary“, „Private Dancer“, „What’s Love Got to do With It“, „We don’t need a another hero”…
Има освоено осум „греми“ награди, а магазинот Ролинг стоун ја стави на листата Бесмртници – најголемите изведувачи на сите времиња.
Нејзиниот живот е раскажан во три мемоари – биографски филм, џубокс мјузикл и во документарецот „Тина“ од 2021 година.
Фото: Фејсбук/Тарнер