По дојава на локален жител од село Бозовце дека во неговото бачило е заглавена мечка, Јавната установа Национален парк Шар Планина заедно со стручни лица од Јавната установа Зоолошка градина на Град Скопје организираше акција за ослободување на животното, информираат од таму.
-Возрасниот мажјак кој беше заглавен во сајла околу 10 часа, беше изморен и исплашен, а по 3 часа работа Бозо беше успешно ослободен.
Мечките се строго заштитени жители на Шар Планина, а локалното население од планинските села живее во соживот со природата. Упатуваме благодарност до сопственикот на бачилото кој го пријави настанот за да се ослободи мечката.
Благодарност и до полициските службеници за напорите да го обезбедат теренот, како и до сите други надлежни институции со кои се координираше акцијата, велат од таму.
Фото/видео: Национален парк Шар Планина