На Саемот на мебел, кој се одржува по две години пауза претставени се повеќе од 40 изложувачи, со 80 брендови со богата понуда на мебел за дневни, спални и детски соби, трпезарии, кујни, купатила, декоративни подлоги и елементи по атрактивни саемски попусти кои се движат од 20 до 50%.
„Како што и очекувавме, Саемот на мебел е исклучително интересна манифестација за јавноста. Викендов очекуваме зголемена фреквенција на посетители,“ изјавија од Скопски саем.
Туристичката агенција „Војажер” организира групни посети на Саемот од сите градови од Македонија и регионот.
Саемот на мебел е со работно време од 10 до 20 часот, а во недела до 18.00 часот. Влезницата чини 120 денари, а групна/семејна влезница ќе чини 100 денари по посетител. Онлајн картите за Саемот за мебел се веќе во продажба преку платформите на mktickets.mk и karti.com.mk.
Партнер на Саемот на мебел е Комерцијална банка АД Скопје.