еМагазин
Image default
Спорт

Витомир Трајковски од „Макпетрол“ освои бронза на светската карате лига во Атина

Членот на скопски „Макпетрол“, Витомир Трајковски, во борба со црногорскиот претставник Никола Маловиќ, кого го победи со 5-0, освои бронзен медал на турнир од светската карате лига во Атина.

Македонскиот карате клуб долги години учествува на ова реномирано натпреварување и ова е 45 медал за тимот, како и прв во 2023 година.

На патот до бронзата Трајковски извојува пет победи, а за влез во финалето загуби минимално од грчкиот претставник Константинос Мастрогијанис 0-1.

Шестата победа беше во директна борба за бронзениот медал со црногорскиот репрезентативец Маловиќ.

Трајковски е во одлична форма, тој е актуелен светски вицешампион во категоријата од 18 до 21 година, а бронзеното одличје го освои во сениорска конкуренција. Ова е добар показател пред европското првенство за јуниори.

На карате лигата во Атина настапуваат 1.116 натпреварувачи од 75 држави.

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

(ФОТО) Заев на покана на холандскиот премиер Руте, заедно со сопругата Зорица го следат натпреварот помеѓу Македонија и Холандија

Редакција

Ѓоковиќ на Мастерс во Индијана Велс изгуби од италијанецот Лука Нарди, кој е на 123. место на АТП листата

Редакција

УЕФА ја одби жалбата на Грција: Кратенката „МКД“ е во согласност со Договорот од Преспа

Редакција
Close

📢 Важно известување

Оваа веб-страница претставува архива (стар сајт) и повеќе не се ажурира.
За најнови информации и содржини, посетете ја нашата нова официјална страница:


👉 Посети ја новата страница