Порталот exyuaviation.com.објави дека нискобуџетниот авиопревозник Визер ќе прекине да сообраќа на авионски линии од Скопје и Охрид до неколку европски града.
Визер ќе ги прекине операциите од својата база во Скопје до Турку, Торино и Билунд.
Со укинувањето, Македонија повеќе нема да има редовна авиолинија до Финска. Летовите за Турку беа воведени во 2019 година, а за Билунд во декември минатата година.
Авиопревозникот ги прекинува летовите и помеѓу Охрид и Фридрихсхафен. Летовите меѓу двата града беа воведени минатиот декември.
Како резултат на тоа, три од четирите нови линии што ги воведе во последното проширување на својата македонска мрежа, во декември 2021 година, сега се прекинати, пишува порталот.
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.