Изминатите 24 часа во Велес има шест новозаболени со Ковид-19, со што бројката на регистрирани порасна на 107, информира Центарот за јавно здравје.
На Клиниката за инфективни болести во Скопје починал пациент од Велес на 58 години хоспитализиран на Клиниката пред една недела со тешка форма на болеста приклучен на механичка вентилација од 6 мај.
На Инфективното одделение при ЈЗУ Општа болница во Велес, како што информира за МИА портпаролот, д-р Весна Неделковска-Николова, на лекување се 27 пациенти од кои кај 24 од нив е потврдено присуството на Ковид-19, а тројца чекаат резутати од тест.
Добра вест е што од велешката болница вчера биле испишани тројца излекувани пациенти од Ковид-19 или досега излекувани се вкупно 26 пациенти.
МИА/Фото: Општина Велес
ПОВРЗАНИ ВЕСТИ
Во Грција најверојатно влез со негативен тест за коронавирусот, стар до 72 часа
Регистриран прв случај со коронавирусот во Берово
Убава вест: Во Охрид и Дебрца веќе нема заболени од коронавирусот