Владата на денешната седница одлучи да се поништи одлуката за давање државјанство на Олександр Онишченко, соопшти владината прес-служба.-Владата ја донесе одлуката откако го разгледа известувањето од Министерството за внатрешни работи, во кое што се информира за можноста за одземање на веќе дадено државјанство, што беше побарано од страна на Владата, на претходна владина седница, велат од таму. Денешната одлука на Владата е базирана на Законот за државјанство на Македонија.Владата го задолжи Министерството за внатрешни работи да постапи веднаш по донесената одлука за поништување на одлуката за доделеното државјанство, информира владината прес-служба.
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.