Владата на последната седница ја разгледувала информацијата од претседавачот на Координативното тело во врска со ангажирање на правни застапници по повод поведена арбитражна постапка од страна на Артем Скубенко, Валентин Дрожденко, Анатолиј Семинога, Игор Переверзев, Артем Кадомски, Игор Компанец, Серги Надиеждин и Володомир Скубенко против нашата земја.
Станува збор за лица кои се дел од раководството на украинската компанија „Сардич“ која поседуваше концесија за отварање на рудникот „Казандол“ во валандовско. Во раководството на оваа компанија е и Ацо Спасеноски, поранешен министер за земјоделство, водостопанство и шумарство и амбасадор на земјава во Украина.
Рудникот „Казандол“ беше сопрен во фаза на изградба откако Владата минатата година донесе заклучок да побара правни услови за раскинување на договорот со „Сардич“ која е главен инвеститор во наоѓалиштето за бакар во валандовскиот крај.
Дозволата за експлоатација на минерални суровини на украинската компанија и беше доделена во јули 2015 година за време на владеењето на ВМРО-ДПМНЕ и ДУИ.
ПОВРЗАНИ ВЕСТИ
Година на арбитражи: Владата соочена со исплата мултимилионски штети