Портпаролот на Владата, Миле Бошњаковски на денешната прес конференција рече дека „мерцедесот“ е се уште дел од судската постапка за случајот „Тенк“ на Специјалното јавно обвинителство (СЈО), поради што Владата не го користи.
„Мерцедесот е симбол на едно расипништво. Оваа Влада се откажа од него. Премиерот никогаш не го користи тој мерцедес. Мерцедесот е дел од судска постапка и се додека постапката е активна, мерцедесот ќе остане таму каде што е, во дел од таа судска постапка на СЈО.
Во истиот момент кога ќе заврши, кога ќе биде овозможено негово менаџирање во иднина, ќе видиме што ќе се случи. Но, Владата набавува нови возила за Службата на прва помош, рече Бошњаковски, алудирајќи на реакциите во јавноста зошто се пренаменуваат возила на Министерството за земјоделие, шумарство и водостопанство за возила за брза помош, кога може да се продаде мерцедесот.
ПОВРЗАНИ ВЕСТИ
„Мерцедесот Ви легна“: Твитер за пренамената на комбиња од земјоделие во возила за брза помош