Владата на денешаната седница усвои одлука за дополнување на Одлуката за посебни услови за трговијата на одделни стоки.
„Со оваа Предлог-одлука на трговците на аргуми свежи или сушени и тоа: портокали, мандарини, клементини, грејпфрут и лимони, со тарифен број 0805, им се забранува да вршат трговија на мало на крајни потрошувачи во објектите кои се наменети за трговија на големо на овие стоки (магацини, складови за трговија на големо, на пазарите за трговија на стоки на големо, како и во други деловни простории кои ги исполнуваат условите пропишани со закон и друг пропис).
Одлуката се предлага на предлог на Државниот пазарен инспекторат, бидејќи инспекторите констатирале дека на терен трговците на големо вршат манипулација и прикажуваат промет остварен во најголем дел од трговија на мало, а не од трговија на големо иако истите не располагаат со продажни објекти наменети за трговија на мало“, соопшти Владата.
ПОВРЗАНИ ВЕСТИ
Лимони има, а трговците на големо и мало да не манипулираат со цените
Срамота: Шеесетина трговци неосновано покачиле цени на производи
Корона вирусот засега на зелените пазари ги накачи цените на лимоните и кромидот