Македонија ја има најнеспособната влада, а за жал Градот Скопје го доби најнеспособниот градски татко, се вели во соопштението на ВМРО-ДПМНЕ.
Од таму додаваат дека „денес во главниот град не е главна тема правење на булевари, паркови, водоводи и канализации, туку главен проблем стана рутинско прскање против комарци.“
„Петре Шилегов не може да се справи со обични комарци, не пак да изгради некаков проект или реши некој позначаен проблем. Шилегов ги остави граѓаните на милост и немилост на комарците кои можат да се пренесуваат најразлични болести кои се присутни и во Европа и регионот, од типот на Зика, Нилска треска, маларија, лајшманија. Само во државите на ЕУ оваа година се пријавени 51 случај на заболени од западно-нилска треска, додека во Србија се пријавени дури 70 случаи“, се вели во соопштението.
Од ВМРО-ДПМНЕ додаваат дека Шилегов и СДСМ најобичното прскање против комарци го претворија во епохална битка која не можат да ја победат, а сето тоа го трпат граѓаните.