Српските медиуми јавуваат за напад во дискотека на премиерот на техничката влада на Црна Гора, Дритан Абазовиќ, кој се случил синоќа.
Како што јавува српски Курир нападот на Абазовиќ настанал за време на настапот на Дино Мерлин во дискотеката Топ Хил, која се наоѓа на врвот Топлиш во Будва.
Дритан бил на настапот на Мерлин, а еден од посетителите се обидел да му пријде и да го нападне. Напаѓачот претходно му упатил низа навреди, јавува репортерот на Курир од местото на настанот.
– Настана хаос и метеж. Обезбедувањето на техничкиот премиер брзо реагираше, јавува репортерот на Курир и објаснува дека бил фрлен солзавец, а Абазовиќ бил евакуиран.
Како што дознава Курир, Абазовиќ е добро и не е повреден.
ПОВРЗАНИ ВЕСТИ
Црногорската полиција демантира дека во дискотека бил нападнат црногорскиот премиер Абазовиќ
Фото: Фејсбук/Абазовиќ