Општата болница Куманово денеска информираше дека Инфективниот оддел за пациентите со полесна и средно-тешка клиничка слика на Ковид 19, останува во функција, но одделот Инфективно 2 (зграда од одделот уво, грло и нос) е затворен и пациентите ќе бидат транспортирани на Инфективна клиника Скопје поради рационализација на персоналот.
-Досега згрижувавме преку 30 пациенти, а немавме ниту простор, ниту услови за поголем број пациенти, ниту стручен кадар, бидејќи од четири инфектолози, двајца се на боледување, велат од Болницата.
Оттаму уште еднаш апелираа до кумановци да ги следат препораките на Светската здравствена организација (СЗО) и Министерството за здравство, да останат дома и заеднички да се победи вирусот.
ПОВРЗАНИ ВЕСТИ
Убава вест: Во Дебар нема новозаразени од коронавирусот, над 60% од заболените се излечени
Убава вест: Во штипскиот регион два дена нема позитивни на Ковид-19, вкупно излекувани 7 пациенти
Тетово може да стане ново жариште на коронавирусот, предупредува Османи