Денеска се одбележува 1 декември – Светскиот ден на борба против СИДАТА, вирус што според светските здравствени власти не треба да се занемари поради пандемијата од корона вирусот бидејќи се забележува зголемување на бројот на случаи во светот.
Според податоците на Институтот за јавно здравје во текот на октомври, годинава пријавени се 2 нови случаи на ХИВ во Македонија.
Пријавените лица се од машки пол, а припаѓат на возрасната група 20-29 години. Според местото на живеење, регистрираните се од Скопје. Пријавен е еден смртен случај од СИДА, на 41 годишна возраст, и со место на живеење од Скопје.
Согласно постоечката евиденција на пријавени случаи (заклучно со 31.10.2020), кумулативниот број на лица регистрирани со ХИВ/СИДА во земјава за периодот 1987–2020 година изнесува 495.
Од вкупниот број на досега регистрирани случаи за кои има податок 105 лица починале, а 388 лица живеат со ХИВ/СИДА.
