Според податоците на Државниот завод за статистика, во третото тримесечје од 2020 година во Македонија имало 485.372 пополнети и 8.364 слободни работни места.
Стапката на слободни работни места изнесува 1.69 %. Највисока стапка на слободни работни места од 4.69 % има во секторот „Објекти за сместување и сервисни дејности со храна“, додека најмала стапка од 0.17 % бележат секторите „Снабдување со електрична енергија, гас, пареа и климатизација“ и „Јавна управа и одбрана; задолжително социјално осигурување“.
Деловните субјекти со број на вработени од 3 до 9 имаат највисока стапка на слободни работни места која изнесува 2.44 %.
Источниот Регион има највисока стапка на слободни работни места која изнесува 2.11 %. Најголем број слободни работни места, односно 3.227 има во петтата група на занимања „Работници во услужни дејности и продажба“.